समाजकल्याण विभाग भरती ची उत्तरतालिका (Answer Key ) आली ,आक्षेप नोंदवा! Download करा

समाजकल्याण विभागाच्या गट-क संवर्गातील २१९ पदांसाठी झालेल्या परीक्षेची उत्तरतालिका आजपासून (२४ मार्च) उपलब्ध करून देण्यात आली आहे. उमेदवारांना २४ मार्च दुपारी ४ वाजल्यापासून ते २८ मार्च सायंकाळी ६ वाजेपर्यंत त्यांच्या लॉगिन आयडीवरून उत्तरतालिका पाहता येईल.

ऑनलाइन पद्धतीनेच नोंदवा आक्षेप!
उत्तरतालिकेबाबत उमेदवारांना कोणतेही आक्षेप किंवा सूचना असल्यास २८ मार्चपर्यंत ऑनलाइन पद्धतीने नोंदविता येतील. प्रति प्रश्नासाठी १०० रुपये शुल्क लागू असून, आक्षेप आणि त्यासोबतची रक्कमही ऑनलाइनच भरावी लागेल. ई-मेल किंवा पत्रव्यवहाराद्वारे आक्षेप स्वीकारले जाणार नाहीत, याची उमेदवारांनी नोंद घ्यावी.

कोणत्या पदांसाठी भरती?
या भरती प्रक्रियेअंतर्गत वरिष्ठ समाज कल्याण निरीक्षक, गृहपाल (महिला व सर्वसाधारण), समाज कल्याण निरीक्षक, उच्चश्रेणी लघुलेखक, निम्नश्रेणी लघुलेखक व लघुटंकलेखक यांसारख्या पदांवर नियुक्ती केली जाणार आहे. एकूण २१९ पदांसाठी भरती प्रक्रिया राबवली जात आहे.

परीक्षा वेळापत्रक व केंद्रे
राज्यातील विविध परीक्षा केंद्रांवर ४ ते १९ मार्च दरम्यान या पदांसाठी परीक्षा पार पडल्या. परीक्षेसाठी मोठ्या संख्येने उमेदवारांनी हजेरी लावली होती.

नोकरीचे ठिकाण
निवड झालेल्या उमेदवारांना पुणे येथे नियुक्ती मिळणार आहे.

उमेदवारांसाठी महत्त्वाचे निर्देश

• फक्त स्वतःच्या लॉगिन आयडीवरूनच आक्षेप नोंदवावेत
• प्रति प्रश्न १०० रुपये शुल्क लागू
• ई-मेल किंवा पत्राद्वारे आक्षेप स्वीकारले जाणार नाहीत
• २८ मार्चपूर्वी सर्व आक्षेप ऑनलाइन पद्धतीने नोंदवावेत

उमेदवारांनी वेळेत उत्तरतालिका तपासून योग्य ती माहिती भरावी आणि आवश्यकतेनुसार आक्षेप नोंदवावेत!