मोठी भरती !! UPSC अंतर्गत सहाय्यक सरकारी वकील पदांची भरती जाहीर !-UPSC Mega Recruitment!

केंद्रीय लोकसेवा आयोग (UPSC) मार्फत २०२५ मध्ये विविध पदांसाठी मोठी भरती जाहीर करण्यात आली आहे, ज्यामध्ये एकूण १११ रिक्त जागा भरण्यात येणार आहेत. यामध्ये सर्वाधिक भरती सहाय्यक सरकारी वकील (Assistant Public Prosecutor) पदासाठी असून, एकट्या या पदासाठी ६६ जागा राखीव आहेत.

याशिवाय सिस्टिम अॅनालिस्ट, स्फोटक उपनियंत्रक, सहाय्यक अभियंता, संयुक्त सहाय्यक संचालक, आणि सहाय्यक विधान सल्लागार अशा विविध पदांचा यामध्ये समावेश आहे.

या भरतीसाठी अर्ज करण्याची अंतिम तारीख १ मे २०२५ आहे. अर्ज फक्त ऑनलाईन पद्धतीने UPSC च्या अधिकृत वेबसाइटवर (https://upsconline.gov.in/ora/) करायचे आहेत. पूर्णपणे सादर केलेल्या अर्जाची प्रिंट घेण्याची शेवटची तारीख २ मे २०२५ आहे. उमेदवारांनी संबंधित पदासाठी आवश्यक शैक्षणिक पात्रता आणि वयोमर्यादा तपासण्यासाठी अधिकृत अधिसूचना काळजीपूर्वक वाचावी.

निवड प्रक्रिया मुलाखतीच्या आधारे होणार असून, काही पदांसाठी भरतीपूर्व चाचणी (Recruitment Test) देखील घेण्यात येऊ शकते. मुलाखतीसाठी पात्र होण्यासाठी किमान गुण मर्यादा ठेवण्यात आली आहे – UR/EWS श्रेणीसाठी ५० गुण, OBC साठी ४५ गुण आणि SC/ST/PwBD उमेदवारांसाठी ४० गुण. मुलाखत एकूण १०० गुणांची असते.

अर्ज करताना सर्वसामान्य आणि इतर मागास प्रवर्गातील उमेदवारांना ₹२२५ अर्ज शुल्क भरावे लागेल. मात्र, महिला, अनुसूचित जाती-जमाती आणि अपंग उमेदवारांना शुल्कातून पूर्ण सूट देण्यात आली आहे. शुल्क भरण्यासाठी एसबीआय बँकेच्या कोणत्याही शाखेत रोख रक्कम, नेट बँकिंग, डेबिट/क्रेडिट कार्ड किंवा यूपीआयचा वापर करता येईल.

ही भरती न्याय, प्रशासन आणि तांत्रिक क्षेत्रांमध्ये करिअर करू इच्छिणाऱ्या उमेदवारांसाठी एक सुवर्णसंधी आहे. त्यामुळे इच्छुकांनी अंतिम मुदतीपूर्वी आपले अर्ज सादर करून संधीचा लाभ घ्यावा. अधिक माहिती आणि अधिसूचना तपासण्यासाठी UPSC ची अधिकृत वेबसाइट नियमितपणे पाहावी.