सुवर्णसंधी! पोलीस दल तमिळनाडूमध्ये 1299 सब इंस्पेक्टर पदांची भरती ! | SI Recruitment Alert!

तमिळनाडू युनिफॉर्म्ड सर्व्हिसेस रिक्रूटमेंट बोर्ड (TNUSRB) ने राज्यातील पोलीस दलामध्ये सब इंस्पेक्टर (SI) पदांसाठी भरती जाहीर केली असून एकूण 1299 पदे रिक्त आहेत. ही भरती ओपन आणि डिपार्टमेंटल अशा दोन्ही कोट्यांमधून होणार आहे. या भरती प्रक्रियेमुळे पदवीधर उमेदवारांसाठी पोलिस खात्यात भरती होण्याचा एक उत्तम मार्ग खुले झाला आहे. इच्छुक उमेदवारांनी अधिकृत वेबसाइट tnusrb.tn.gov.in वर जाऊन ऑनलाईन अर्ज करावा.

शैक्षणिक पात्रता व वयोमर्यादा
उमेदवारांनी मान्यताप्राप्त विद्यापीठातून पदवीधर असणे आवश्यक आहे. वयोमर्यादा 1 जुलै 2025 पर्यंत किमान 20 वर्षे आणि कमाल 30 वर्षे इतकी असावी. आरक्षित प्रवर्गातील उमेदवारांना शासनाच्या नियमानुसार वयोमर्यादेत सवलत दिली जाईल.

निवड प्रक्रिया
निवड प्रक्रिया बहुपर्यायी टप्प्यांमध्ये होणार आहे ज्यामध्ये प्रथम तमिळ भाषा पात्रता परीक्षा घेतली जाईल, त्यानंतर लेखी परीक्षा, शारीरिक पात्रता चाचणी (PET) आणि अंतिम मुलाखत घेतली जाईल. उमेदवारांना प्रत्येक टप्प्यात पात्र होणे अनिवार्य आहे.

पगार व सेवा स्तर
या पदांसाठी उमेदवारांची वेतनश्रेणी लेव्हल-10 नुसार निश्चित करण्यात आली आहे. त्यानुसार निवड झालेल्या उमेदवारांना ₹36,900 पासून ₹1,16,600 पर्यंत मासिक वेतन मिळणार आहे, जे त्यांच्या पात्रतेनुसार व अनुभवावर आधारित असेल.

फीची माहिती
ओपन किंवा डिपार्टमेंटल कोट्यांतून अर्ज करणाऱ्यांसाठी अर्ज फी ₹500 आहे. मात्र जे डिपार्टमेंटल उमेदवार दोन्ही कोट्यांत अर्ज करतात, त्यांच्यासाठी ही फी ₹1000 इतकी आहे.

अर्ज प्रक्रिया कशी करावी?
उमेदवारांनी tnusrb.tn.gov.in या अधिकृत संकेतस्थळावर जावे. होमपेजवरील SI भरती लिंकवर क्लिक करावे. त्यानंतर आपला मोबाईल क्रमांक व इतर तपशील भरून नोंदणी करावी. अर्ज सादर करताना सर्व आवश्यक कागदपत्रे स्कॅन करून अपलोड करावीत. शेवटी फी भरून अर्ज सबमिट करावा.

महत्वाची सूचना
ही भरती प्रक्रिया तमिळनाडू राज्यासाठी आहे, मात्र इतर राज्यातील पात्र उमेदवार देखील अर्ज करू शकतात, परंतु त्यांना तमिळ भाषेतील पात्रता परीक्षा उत्तीर्ण होणे आवश्यक आहे. अर्जाची प्रक्रिया लवकरच सुरु होणार असून उमेदवारांनी अधिकृत वेबसाईटवर वेळोवेळी भेट देऊन अपडेट्स तपासावेत.

नोकरीच्या शोधात असणाऱ्या तरुणांसाठी ही एक उत्तम संधी आहे. पात्र उमेदवारांनी वेळ न दवडता अर्ज सादर करावा!