आनंदाची बातमी !! पुणे कारागृह शिपाई पद भरतीचा निकाल जाहीर झाला ! जाणून घ्या सविस्तर | Pune karagruh shipai bharti Result Declare

दीर्घ प्रतीक्षेनंतर पुणे कारागृह शिपाई (गट-ड) भरती 2022-23 चा निकाल अखेर जाहीर करण्यात आला आहे. महाराष्ट्र राज्याच्या कारागृह व सुधारसेवा विभागात भरतीसाठी अर्ज केलेल्या हजारो उमेदवारांना ही बातमी खूपच दिलासादायक ठरणार आहे. अपर पोलीस महासंचालक व महानिरीक्षक, कारागृह व सुधारसेवा, महाराष्ट्र राज्य, पुणे यांच्या अधिकृत आदेशानुसार गुणवत्तानुसार पात्र उमेदवारांची अंतिम यादी प्रसिद्ध करण्यात आली आहे.

या भरती प्रक्रियेत १०० गुणांची लेखी परीक्षा घेतली गेली होती. पुणे विभागात एकूण ७७१२ उमेदवारांनी या परीक्षेसाठी पात्रता प्राप्त केली होती, त्यापैकी ७४७३ उमेदवारांची अंतिम गुणवत्ता यादी तयार करण्यात आली आहे. ही यादी १५ एप्रिल २०२५ रोजी जाहीर करण्यात आली असून, यासाठी अंतिम उत्तरतालिकाही (Final Answer Key) प्रसिद्ध करण्यात आली आहे.

जर उमेदवारांना त्यांच्या गुणवत्तेतील गुणांबाबत आक्षेप असेल, तर २३ एप्रिल २०२५ पर्यंत संध्याकाळी ६:०० वाजेपर्यंत पोलीस मुख्यालय, शिवाजीनगर, पुणे येथे प्रत्यक्ष हजर राहून आक्षेप नोंदवता येईल. मात्र, आक्षेप नोंदवण्यासाठी OMR उत्तरपत्रिकेची मूळ कार्बन प्रत आणि परीक्षेचे ओळखपत्र सोबत आणणे अनिवार्य आहे. अन्यथा, आक्षेप विचारात घेतला जाणार नाही, असे पोलीस विभागाने स्पष्ट केले आहे.

ही गुणवत्ता यादी जाहीर झाल्यामुळे हजारो तरुणांच्या शासकीय सेवेत सामील होण्याच्या स्वप्नांना नवसंजीवनी मिळाली आहे. पुढील टप्प्यात शारीरिक चाचणी आणि कागदपत्र पडताळणीचा कार्यक्रम जाहीर होण्याची शक्यता असून, उमेदवारांनी अधिकृत संकेतस्थळावर सातत्याने लक्ष ठेवण्याचे आवाहन करण्यात आले आहे.