आनंदाची बातमी; नॅशनल थर्मल पॉवर कॉर्पोरेशन लिमिटेड (NTPC) ने ४०० पदांसाठी मोठी भरती जाहीर केली! त्वरित अर्ज करा

सरकारी नोकरीच्या शोधात असलेल्या तरुणांसाठी ही एक उत्तम संधी आहे. नॅशनल थर्मल पॉवर कॉर्पोरेशन लिमिटेड (NTPC) ने ४०० पदांसाठी मोठी भरती जाहीर केली आहे. इच्छुक आणि पात्र उमेदवारांसाठी ही सुवर्णसंधी असून, अर्ज प्रक्रिया १५ फेब्रुवारी २०२५ पासून सुरू झाली आहे आणि अर्ज करण्याची शेवटची तारीख ०१ मार्च २०२५ आहे.

या भरतीसाठी उमेदवारांकडे इलेक्ट्रिकल किंवा मेकॅनिकल इंजिनीअरिंगमध्ये बी.टेक पदवी असणे आवश्यक आहे. उमेदवारांना वयोमर्यादेच्या आधारावर काही सवलती देखील देण्यात येणार आहेत. SC/ST प्रवर्गातील उमेदवारांना ५ वर्षे आणि OBC प्रवर्गातील उमेदवारांना ३ वर्षे वयोमर्यादेत सूट देण्यात येईल. उमेदवारांची निवड प्रक्रिया तीन टप्प्यांत होणार आहे – लेखी परीक्षा, कागदपत्र तपासणी आणि वैद्यकीय चाचणी.

NTPC च्या भरती प्रक्रियेत सहभागी होण्यासाठी इच्छुक उमेदवारांनी NTPC च्या अधिकृत वेबसाइट www.ntpc.co.in वर जाऊन अर्ज करावा. अर्ज करण्यासाठी वेबसाइटच्या करिअर सेक्शनमध्ये जाऊन EET-2025 भरतीसाठी अर्ज भरावा. अर्ज भरताना आवश्यक सर्व माहिती अचूक भरावी आणि आवश्यक कागदपत्रे अपलोड करावीत. अर्ज सबमिट केल्यानंतर त्याची प्रिंट किंवा स्लीप डाउनलोड करून ठेवावी.

ही भरती संपूर्ण भारतभर लागू असेल, त्यामुळे कोणत्याही राज्यातील पात्र उमेदवार अर्ज करू शकतात. सरकारी क्षेत्रात स्थिर आणि सुरक्षित करिअर करू इच्छिणाऱ्या उमेदवारांसाठी ही उत्तम संधी आहे. त्यामुळे इच्छुक उमेदवारांनी शेवटच्या तारखेच्या आधी लवकर अर्ज करावा आणि नोकरी मिळवण्याच्या संधीचा फायदा घ्यावा!