नव मेडिकल कॉलेज, अहिल्यानगरात!-New Med College in Ahilyanagar!

अहिल्यानगरात आता आरोग्याच्या क्षेत्रात मोठं पाऊल टाकण्यात येतंय. सरकारनं ठरवलंय की इथे नवीन सरकारी वैद्यकीय महाविद्यालय सुरू करायचं! हे काही छोटं-मोठं प्रोजेक्ट नाही बरं का – अगदी १०० विद्यार्थ्यांचं प्रवेश क्षमतेचं मेडिकल कॉलेज आणि त्याच्यासोबत ४३० खाटांचं जबरदस्त हॉस्पिटल उभारणार आहेत.

यासाठी सगळी तयारी झालेली हाय. सरकारनं ४८५ कोटी ८ लाख रुपयांचा खर्च मंजूरसुद्धा केलाय. एवढं सगळं करून हे कॉलेज “पुण्यश्लोक अहिल्यादेवी होळकर शासकीय वैद्यकीय महाविद्यालय” या नावानं ओळखलं जाणार.

सुरवातीला काय होणार, तर जिल्हा सामान्य रुग्णालयातल्या सध्याच्या सुविधा या नव्या कॉलेजला वापरायच्या मिळणार. म्हणजेच पुढची ७ वर्षं या सुविधा वैद्यकीय शिक्षणासाठी वापरल्या जाणार आहेत. तोपर्यंत नव्या जागेवर कॉलेज आणि हॉस्पिटलचं बांधकाम पूर्ण होईल आणि तिथे संपूर्ण स्थलांतर होईल.

पण एवढ्यावर सरकार थांबलं नाही – या कॉलेजसाठी आणि हॉस्पिटलसाठी लागणारी नवीन पदनिर्मिती आणि भरती यालाही मंत्रिमंडळात मंजुरी दिली गेलीये. शिवाय, या प्रक्रियेत लागणारी उच्चस्तरीय समितीची पूर्व-मंजुरी ही अटसुद्धा शिथिल करण्यात आली आहे, म्हणजे काम लवकर आणि अडथळेविनं पूर्ण व्हावं, याची काळजी घेतली गेलीय.