महाज्योती मोफत तयारी संधी!-Mahajyoti Free Coaching Offer!

विदर्भातल्या अभ्यासू विद्यार्थ्यांसाठी महाज्योती संस्थेकडून एक सुवर्णसंधी चालून आलेली आहे. जेईई, नीट आणि एमएचटी-सीईटी या महत्त्वाच्या स्पर्धा परीक्षांसाठी महाज्योतीनं मोफत ऑनलाईन प्रशिक्षण कार्यक्रम सुरू केलाय. या प्रशिक्षणासाठी अर्ज करण्याची शेवटची तारीख २० जून २०२५ पर्यंत वाढवण्यात आलेली आहे.

अर्ज करण्यासाठी विद्यार्थ्यांनी www.mahajyoti.org.in या संकेतस्थळावर जाऊन ऑनलाईन फॉर्म भरायचा आहे. अर्ज करताना दहावीची गुणपत्रिका, जात प्रमाणपत्र (लागल्यास), आधार कार्ड आणि पासपोर्ट साइज फोटो यासारखी आवश्यक कागदपत्रं स्कॅन करून अपलोड करणं बंधनकारक आहे.

ही योजना फक्त दहावी उत्तीर्ण विद्यार्थ्यांसाठी असून ग्रामीण भागातल्या विद्यार्थ्यांकडून किमान ६०% गुणांची अट आहे, तर शहरी भागातल्या विद्यार्थ्यांसाठी ही अट ७०% गुणांची आहे.

निवड प्रक्रियेमध्ये पात्र विद्यार्थ्यांची निवड गुणांनुसार करण्यात येणार असून, संस्थेकडील निधी व संचालक मंडळाच्या मान्यतेनुसार ठरवलेली विद्यार्थी संख्या निश्चित केली जाईल. एकदा निवड झाली की विद्यार्थ्यांना घरबसल्या ऑनलाईन मोफत मार्गदर्शन, सराव पेपर्स, मॉक टेस्ट्स आणि तज्ज्ञ शिक्षकांचं मार्गदर्शन मिळणार आहे. ही संधी विदर्भातल्या होतकरू विद्यार्थ्यांनी नक्कीच घ्यावी!