लाडकी बहीणचा पुढील हफ्ता लवकरच मिळणार, दसऱ्याला मिळणार खुशखबर!

राज्य सरकारने मुख्यमंत्री – माझी लाडकी बहीण योजना ही महत्त्वाकांक्षी योजना सुरू केली आहे. मागील महिन्यात जिल्ह्यातील ११ लाखांहून अधिक महिलांच्या खात्यात जुलै आणि ऑगस्टचे ३ हजार रुपये जमा झाल्यानंतर उशिरा अर्ज सादर करणाऱ्या महिलांच्या खात्यात लवकरच ३ महिन्यांचा लाभ एकत्रित जमा करण्यात येणार आहे. त्यामुळे रक्षाबंधनानंतर लाडक्या बहिणीची भाऊबीजही गोड होणार आहे ( Ladki Bahin Next Payment Date).

• लाडकी बहीण हा नवीन हेल्पलाइन नंबर सुरु, एक फोन वर तक्रार सोडवा! – Ladki Bahin Helpline Number

जिल्हाधिकारी सिद्धाराम सालीमठ म्हणाले, जिल्ह्यातील प्रत्येक पात्र महिलेला लाभ मिळावा, यासाठी प्रशासन प्रयत्नशील आहे. सप्टेंबर महिन्यातही नोंदणी सुरूच राहणार आहे. पात्र महिलांनी आपले बैंक खाते आधार क्रमांकाशी जोडून घ्यावे. जिल्ह्यातील पात्र असलेल्या अधिकाधिक महिलांनी मुख्यमंत्री माझी लाडकी बहीण योजनेचा लाभ घ्यावा. योजनेचा लाभ बँकेत जमा होण्यासाठी बँक खाते आधार क्रमांकाशी जोडले जाणे गरजेचे आहे. याबाबत महिला व बालविकास विभागातर्फे महिलांना माहिती देण्यात येत आहे. महिलांच्या खात्यात रक्कम जमा करण्याची प्रक्रिया सुरू करण्यात आली आहे. सप्टेंबरपर्यंत अर्ज केलेल्या लाभार्थी महिलांना १ जुलै २०२४पासून दरमहा १ हजार ५०० रुपये आर्थिक लाभ देण्यात येणार आहे. योजनेसाठी आवश्यक आर्थिक तरतूदही शासनाने केली आहे. त्यामुळे ही योजना महिला सक्षमीकरणासाठी महत्त्वाची ठरणार आहे.