लाडकी बहीण योजनेत सुधारणा !

“मुख्यमंत्री-माझी लाडकी बहीण योजना” अंतर्गत गेल्या सात महिन्यांत २५ हजार २५० कोटींचे वितरण करण्यात आले आहे. त्यानंतर सरकारने या योजनेच्या अपव्ययाला ताबा घालण्यासाठी काही महत्वाच्या सुधारणा केलेल्या आहेत. सरकारने ठरवले आहे की, प्राप्तिकर विभागाकडून माहिती घेऊन ज्यांचे कुटुंबांचे वार्षिक उत्पन्न अडीच लाख रुपये किंवा त्यापेक्षा जास्त आहे, त्यांना या योजनेतून वगळण्यात येईल. तसेच, दरवर्षी ई-केवायसी (इलेक्ट्रॉनिक-केवायसी) प्रक्रियेतून लाभार्थींचे अपडेट घेतले जातील.

योजनेत २ कोटी ६३ लाख महिलांनी नोंदणी केली आहे, त्यापैकी २ कोटी ४१ लाख महिलांना पात्र ठरवले आहे. मात्र, ५ लाख महिलांना अपात्र ठरविण्यात आले आहे, ज्यांनी योजनेचे निकष पूर्ण केलेले नाहीत. योजनेची योग्य अंमलबजावणी करण्यासाठी सरकारने ठरवले आहे की, जो महिला प्रतिमहिन्याला १५०० रुपये किंवा अधिक लाभ घेत आहे, त्यांना लाडकी बहीण योजनेतून वगळले जाईल. यासोबतच, नमो शेतकरी आणि मुख्यमंत्री माझी लाडकी बहीण या दोन्ही योजनांचा लाभ घेणाऱ्या ६.५ लाख लाभार्थ्यांना नव्याने योजना मध्ये समायोजित करण्यात येईल.

तसेच, या योजनेचे पैसे प्रत्येक महिन्याच्या तिसऱ्या आठवड्यात दिले जातील. पुढील सुधारणा असेल:

ई-केवायसी प्रक्रिया दरवर्षी १ जून ते १ जुलै दरम्यान पार पडेल.
उत्पन्नाची तपासणी करून अडीच लाख रुपयांपेक्षा जास्त उत्पन्न असलेल्यांना वगळले जातील.
प्राप्तिकर विभागाच्या मदतीने आयकर दाता महिलांची माहिती मिळवून, त्यांना योजनेतून बाहेर काढले जाईल.
या सुधारणा योजनेतील गैरवापर टाकण्यासाठी आणि अधिक पारदर्शकतेने योजनेचा फायदा योग्य लाभार्थ्यांपर्यंत पोहोचवण्यासाठी केल्या आहेत.