सरकारी बँकांची बंपर भरती ५० हजार जागा!-Govt Banks to Hire 50,000 This Year!

सरकारी बँकेत नोकरीचं स्वप्न पाहणाऱ्यांसाठी भारी संधी आलीय! सरकारी क्षेत्रातल्या १२ बँका यंदाच्या आर्थिक वर्षात ५० हजार नव्या जागांवर भरती करणार आहेत. यातलं २१ हजार पदं अधिकाऱ्यांची असतील, तर उरलेल्या जागा लिपिक व इतर कर्मचाऱ्यांसाठी असणार.

सर्वात मोठ्या भारतीय स्टेट बँकेनं (SBI) तर जवळपास २० हजार जागांवर भरती सुरू केलीय. ग्राहकसेवा सुधारण्यासाठी देशभरात शाखांमध्ये ही भरती होणार आहे. यात आधीच ५०५ पीओ (Probationary Officers) आणि १३,४५५ कनिष्ठ सहयोगी भरती झालेत. ३५ राज्यं आणि केंद्रशासित प्रदेशांमध्ये या भरतीचं जाळं पसरलंय.

पंजाब नॅशनल बँक (PNB) ही यावर्षी ५,५०० पेक्षा जास्त नव्या जागा भरणार आहे. तर सेंट्रल बँक ऑफ इंडिया सुद्धा जवळपास ४,००० कर्मचाऱ्यांची भरती करणार आहे. मार्च २०२५पर्यंत या भरतीमुळे सरकारी बँकांमध्ये मोठ्या प्रमाणात नवे चेहरे दिसणार!