महत्वाचे ; आधार कार्ड रेशन कार्डशी जोडण्यासाठी संपूर्ण प्रक्रिया जाणून घ्या !

जर तुम्ही तुमचे आधार कार्ड रेशन कार्डशी अद्याप लिंक केले नसेल, तर आता तुम्ही हे घरबसल्या मोबाईलवरून करू शकता. केंद्र सरकारने रेशन कार्ड आधारशी लिंक करणे बंधनकारक केले आहे, जेणेकरून सरकारी अनुदान खऱ्या लाभार्थ्यांपर्यंत पोहोचेल आणि डुप्लिकेट रेशन कार्ड्सचा गैरवापर थांबेल.

रेशन कार्डशी आधार लिंक करण्यासाठी तुम्हाला तुमचा रेशन कार्ड क्रमांक, आधार क्रमांक आणि आधारशी लिंक असलेला मोबाईल नंबर आवश्यक आहे. ऑनलाइन पद्धतीने लिंक करण्यासाठी महाराष्ट्र सार्वजनिक वितरण प्रणालीच्या अधिकृत वेबसाइटला भेट द्या, ‘रेशन कार्ड आधार लिंक’ पर्याय निवडा, आवश्यक माहिती भरा, OTP टाका आणि प्रक्रिया पूर्ण करा. आधार लिंक झाल्यानंतर तुम्हाला SMS किंवा ईमेलद्वारे सूचना मिळेल.

जर तुम्हाला ऑफलाइन लिंक करायचे असेल, तर जवळच्या रेशन दुकानात किंवा पीडीएस कार्यालयात जाऊन रेशन कार्ड, कुटुंबातील सर्व सदस्यांचे आधार कार्ड, बँक पासबुक (जर खाते आधारशी लिंक नसेल तर) आणि कुटुंबप्रमुखाचा फोटो सोबत घ्या व अधिकाऱ्यांकडे कागदपत्रे जमा करा. प्रक्रिया पूर्ण झाल्यानंतर तुम्हाला सूचना मिळेल.

तुम्ही SMS द्वारेही रेशन कार्ड आधारशी लिंक करू शकता. यासाठी UID SEED <राज्याचा शॉर्ट कोड> <रेशन कार्ड क्रमांक> <आधार क्रमांक> असा मेसेज 51969 या क्रमांकावर पाठवा. पडताळणी झाल्यानंतर लिंकिंग पूर्ण होईल.

रेशन कार्ड आधारशी लिंक झाले आहे की नाही, हे तपासण्यासाठी Google Play Store वरून “मेरा रेशन” अ‍ॅप डाउनलोड करा, ‘आधार सीडिंग’ पर्याय निवडा, रेशन कार्ड क्रमांक टाका आणि लिंकिंग स्टेटस तपासा. रेशन कार्डशी आधार लिंक करणे अत्यावश्यक आहे, त्यामुळे तुम्ही लवकरात लवकर ही प्रक्रिया पूर्ण करा आणि सरकारी योजनांचा लाभ मिळवा.