आनंदाची बातमी ! CISF अंतर्गत एकूण ११६१ ‘कॉन्स्टेबल ट्रेड्समेन’ पदांची भरती ! ऑनलाईन पद्धतीने अर्ज करा

CISF मध्ये ‘कॉन्स्टेबल ट्रेड्समेन’ पदभरतीची प्रक्रिया ५ मार्च २०२५ पासून सुरू होणार आहे. या भरतीअंतर्गत एकूण ११६१ रिक्त जागा भरल्या जाणार आहेत. या भरतीत कुक, वॉशरमन, स्वीपर, इलेक्ट्रिशियन, माळी आणि इतर विविध ट्रेड्ससाठी पदे उपलब्ध आहेत. अर्ज प्रक्रिया पूर्णपणे ऑनलाइन राहील आणि उमेदवारांना CISF च्या अधिकृत वेबसाइट (https://www.cisf.gov.in) वर जाऊन अर्ज भरावा लागेल. अर्ज करण्याची शेवटची तारीख ३ एप्रिल २०२५ आहे.

‘या पदांसाठी अर्ज करण्याकरिता उमेदवाराने मान्यताप्राप्त शिक्षण मंडळामधून १०वी पास असणे आवश्यक आहे, तसेच आयटीआय कोर्स पूर्ण असावा. उमेदवाराचे वय १ ऑगस्ट २०२५ रोजी १८ ते २३ वर्षांदरम्यान असावे. आरक्षित प्रवर्गातील उमेदवारांसाठी वयाची सूट दिली जाणार आहे – एससी/एसटी प्रवर्गासाठी ५ वर्षांची तर ओबीसी उमेदवारांसाठी ३ वर्षांची सवलत आहे.

अर्ज शुल्क जनरल आणि ओबीसी प्रवर्गातील उमेदवारांसाठी ₹१०० ठेवण्यात आले आहे, तर एससी/एसटी आणि ExSM उमेदवारांसाठी कोणतेही शुल्क नाही. भरती झाल्यानंतर उमेदवारांना संपूर्ण भारतभर कुठेही नोकरी करण्याची संधी मिळेल, त्यामुळे विविध राज्यांमध्ये सेवा बजावता येईल.

अर्ज करण्यापूर्वी सर्व आवश्यक पात्रता निकष व कागदपत्रे काळजीपूर्वक तपासून घेणे गरजेचे आहे. अधिक माहिती मिळवण्यासाठी आणि अर्ज प्रक्रियेबाबत अद्ययावत माहिती जाणून घेण्यासाठी उमेदवारांनी CISF च्या अधिकृत वेबसाइटला नियमित भेट देण्याची शिफारस केली जाते.