सुवर्णसंधी केवळ तरुणांसाठी !! कोणतीही लेखी परीक्षा न देता भारतीय सैन्यात थेट लष्करी अधिकारी बनण्याची संधी !| No Exam, Direct Army Officer!

भारतीय सैन्यात अधिकारी होण्याची इच्छा बाळगणाऱ्या अभियंता तरुणांसाठी एक अत्यंत आनंदाची बातमी समोर आली आहे. तुम्हाला आता कोणतीही लेखी परीक्षा न देता थेट भारतीय लष्करात अधिकारी होण्याची संधी उपलब्ध झाली आहे. भारतीय सैन्याने १४२ व्या तांत्रिक पदवीधर अभ्यासक्रमाअंतर्गत (TGC-142) एकूण ३० पदांसाठी भरती सुरू केली आहे.

ही भरती थेट निवड प्रक्रियेच्या माध्यमातून केली जाणार असून यामध्ये लेखी परीक्षेऐवजी शैक्षणिक पात्रतेच्या आधारे प्राथमिक निवड होईल. त्यानंतर थेट एसएसबी मुलाखत आणि वैद्यकीय चाचणी घेतली जाईल. यामुळे अनेक अभियंता उमेदवारांना संधी मिळणार असून सैन्यात अधिकारी बनण्याचे स्वप्न आता सहज शक्य होणार आहे.

या पदांसाठी अर्ज करण्यासाठी उमेदवारांकडे संबंधित शाखेतील इंजिनिअरिंग पदवी असणे आवश्यक आहे. विशेष म्हणजे जे विद्यार्थी सध्या तृतीय वर्ष किंवा अंतिम वर्षात शिकत आहेत, त्यांनाही अर्ज करण्याची संधी दिली गेली आहे. परंतु, त्यांनी आपली पदवी १ जानेवारी २०२६ पूर्वी पूर्ण करून प्रमाणपत्र सादर करणे आवश्यक आहे.

या भरतीसाठी किमान वयोमर्यादा २० वर्षे आणि कमाल वयोमर्यादा २७ वर्षे निश्चित करण्यात आली आहे. म्हणजेच, जर तुमचे वय या मर्यादेत बसते आणि तुम्ही पात्रतेच्या अटी पूर्ण करता, तर तुम्ही नक्कीच या संधीचा लाभ घेऊ शकता.

निवड प्रक्रिया सुस्पष्ट असून, पात्र उमेदवारांची प्रथम निवड यादी जाहीर केली जाईल. त्यानंतर निवडलेल्या उमेदवारांना SSB इंटरव्ह्यूसाठी बोलावले जाईल. हा मुलाखत सुमारे ५ दिवसांचा असेल, ज्यामध्ये मानसिक, शारीरिक आणि नेतृत्व कौशल्यांची परीक्षा घेतली जाईल.

SSB नंतर वैद्यकीय चाचणी होईल. सर्व निकष पूर्ण करणाऱ्या उमेदवारांची अंतिम गुणवत्ता यादी जाहीर केली जाईल आणि निवड झालेल्या उमेदवारांना भारतीय लष्करात प्रशिक्षणासाठी पाठवले जाईल. प्रशिक्षण पूर्ण केल्यावर उमेदवारांना थेट लेफ्टनंट पदावर नियुक्त केले जाईल.

अर्ज करण्याची शेवटची तारीख २९ मे २०२५ आहे. त्यामुळे इच्छुक उमेदवारांनी तात्काळ joinindianarmy.nic.in या अधिकृत वेबसाइटवर जाऊन ऑनलाइन अर्ज करावा. ही एक अशी सुवर्णसंधी आहे जी दरवर्षी फक्त एकदाच मिळते – त्यामुळे ती गमावू नका!