नव्या भरतीची लाट! NIACL व BEST मध्ये अॅप्रेंटिसशिप २०२५ – SSC, ITI, MCVC उत्तीर्णांसाठी सुवर्णसंधी! | Golden Apprentice Chance for SSC/ITI!

न्यू इंडिया अॅश्युरन्स कंपनी लिमिटेड (NIACL) या भारत सरकारच्या प्रतिष्ठित उपक्रमाने अप्रेंटिस अ‍ॅक्ट १९६१ अंतर्गत ५०० प्रशिक्षणार्थी पदांची भरती जाहीर केली आहे. ही भरती संपूर्ण देशभरातील प्रादेशिक कार्यालयांमध्ये केली जाणार आहे. यामध्ये महाराष्ट्रातील मुंबई, पुणे आणि नागपूर येथे सर्वाधिक म्हणजेच १२० जागा उपलब्ध आहेत. इच्छुक उमेदवारांनी २० जून २०२५ पर्यंत https://nats.education.gov.in/ या संकेतस्थळावर जाऊन अर्ज करणे आवश्यक आहे.

दरमहा ९,०००/- स्टायपेंड, १२ महिन्यांचा प्रशिक्षण कालावधी
या भरतीसाठी पात्र उमेदवारांना कोणत्याही शाखेतील पदवी आवश्यक असून वयोमर्यादा २१ ते ३० वर्षांदरम्यान आहे. अनुसूचित जाती-जमाती, इमाव, दिव्यांग, तसेच विधवा/घटस्फोटीत महिलांना वयोमर्यादेत सूट आहे. प्रशिक्षण कालावधी १२ महिन्यांचा असून दरमहा रु. ९,०००/- स्टायपेंड दिला जाईल. एका महिन्यानंतर दरमहा १ दिवसाची रजा साठवता येईल आणि ४ दिवस एकत्रित रजा घेता येईल.

भरती प्रक्रिया – ऑनलाईन परीक्षा व रिजनल भाषेची चाचणी
NIACL मध्ये निवड प्रक्रिया ऑनलाइन लेखी परीक्षा व स्थानिक भाषेची चाचणी अशा दोन टप्प्यांमध्ये होईल. परीक्षा २६ जून २०२५ रोजी होणार असून ती १०० गुणांची, ६० मिनिटांची असेल. विषयांमध्ये सामान्य ज्ञान, इंग्रजी, गणितीय व तर्कशक्ती, तसेच संगणक ज्ञान यांचा समावेश असेल. यानंतर उमेदवारांची स्थानिक भाषेची परीक्षा घेतली जाईल. जर उमेदवाराने १०वी/१२वी मध्ये ही भाषा शिकलेली असेल, तर त्या परीक्षेतून सूट दिली जाईल.

असेसमेंट टेस्ट आणि अप्रेंटिसशिप सर्टिफिकेट
प्रशिक्षण कालावधी पूर्ण झाल्यानंतर उमेदवारांना थिअरी व प्रॅक्टिकल असेसमेंट टेस्ट द्यावी लागेल. थिअरीचे मूल्यांकन BFSI सेक्टर स्किल कौन्सिल ऑफ इंडिया मार्फत होईल, तर प्रॅक्टिकल चाचणी कंपनी घेईल. चाचणीतील गुणवत्तेच्या आधारे उमेदवारांना डिजिटल अप्रेंटिसशिप सर्टिफिकेट प्रदान करण्यात येईल.

BEST वडाळा प्रशिक्षण केंद्रात ४७८ अॅप्रेंटिस पदांसाठी भरती
बृहन्मुंबई विद्युत व परिवहन उपक्रम (BEST) च्या तांत्रिक प्रशिक्षण केंद्र, वडाळा येथेही २०२५ सत्रासाठी विविध अॅप्रेंटिस पदांची भरती सुरू आहे. ही भरती एसएससी, ITI आणि MCVC उत्तीर्ण उमेदवारांसाठी असून संपूर्ण प्रशिक्षण कायदा १९६१ अंतर्गत दिलं जाईल. अर्ज करण्याची शेवटची तारीख २२ जून २०२५ आहे आणि ७ जुलै २०२५ नंतर निवड यादी प्रसिद्ध केली जाईल.

BEST भरतीतील पदांचा तपशील आणि स्टायपेंड
एसएससी (गणित/शास्त्रसह):

• कालावधी: २ वर्षे, स्टायपेंड: ₹७,१०१ ते ₹८,११५
• मेकॅनिक (मोटर वाहन): ६० पदे
• ऑटो इलेक्ट्रिशियन: ३८, रेफ्रिजरेशन मॅकेनिक: ५, केबल जॉईंटर: १०

ITI उत्तीर्ण / परीक्षेला बसणारे:

• कालावधी: १ वर्ष, स्टायपेंड: ₹८,१२५ ते ₹९,१३०
• मेकॅनिक: १४५, वेल्डर: २५, इलेक्ट्रिशियन: ५०, वायरमन: २५ इ.

MCVC (ऑटोमोबाईल/मेकॅनिकल):

• कालावधी: १ वर्ष, स्टायपेंड: ₹७,१०१
• मेकॅनिक: ३६, फिटर: १२, टर्नर: २

सर्व इच्छुक उमेदवारांनी http://newindia.co.in या वेबसाइटवरील Information & Help Section मध्ये जाऊन NIACL भरतीबाबत सविस्तर माहिती घ्यावी. तसेच BEST भरतीसाठी अर्ज व प्रशिक्षणासाठी आवश्यक कागदपत्रे नियमानुसार संकलित करावीत.