अंगणवाडी सेविका भरतीप्रक्रियेत घोटाळा!-Anganwadi Recruitment Scam!

अंगणवाडी सेविका आणि मदतनीसांची भरती प्रक्रिया सुरू असताना, मुरबाड तालुक्यात गैरव्यवहार झाल्याचा गंभीर आरोप केला गेला आहे. शून्य ते पाच वर्ष वयोगटातील मुलांसाठी पोषण आहार आणि शिक्षण देणाऱ्या अंगणवाड्या संपूर्ण राज्यात महत्त्वाच्या असताना, या प्रक्रियेत अफरातफर झाल्याचे उघडकीस आले आहे.

माहिती अधिकार कार्यकर्ता योगिता शिर्के यांनी ठाणे जिल्हा परिषदेच्या मुख्य कार्यकारी अधिकारी रोहन घुगे यांच्याकडे तक्रार केली असून, यामध्ये महिला बालविकास प्रकल्प अधिकारी योगेश यंदे, त्यांची पत्नी आणि शिपाई यांच्यावर सीलबंद अर्ज फोडून कागदपत्रांची अफरातफर केली असल्याचा आरोप करण्यात आले आहे.

प्रक्रियेत पाकिट फोडण्याचे पुरावे शिर्के यांनी सादर केले असून, या संदर्भात दोषींवर कारवाई करण्यात यावी, अशी त्यांची मागणी आहे. शिर्के यांनी चौकशीची मागणी केली असून, कार्यभार घेतलेल्या निशा तारमळे यांच्यावरही प्रश्नचिन्ह उपस्थित केले आहे.

तत्कालीन मुख्य कार्यकारी अधिकारी रोहन घुगे यांनी या प्रकरणाची चौकशी सुरू करण्याचे आदेश दिले आहेत. शिर्के यांनी दोषी अधिकारी आणि कर्मचाऱ्यांवर कडक कारवाईची मागणी केली आहे, अन्यथा उपोषणाचा इशारा दिला आहे.