आयुर्वेद PG धोक्यात!-Ayurveda PG at Risk!

लोकमत न्यूज नेटवर्क, नागपूर: शासकीय आयुर्वेद महाविद्यालयात पीजी अभ्यासासाठी मंजूर असलेल्या ७५ जागांपैकी यंदा केवळ ३६ जागांवरच प्रवेश होणार, अशीच परिस्थिती दिसतीये.

महाविद्यालयातले बरेच प्राध्यापक रिकाम्या जागांवर नाहीत, काही कंत्राटी शिक्षक आहेत आणि काहींची निवृत्ती अगदी जवळ आलीये. त्यामुळे विद्यार्थ्यांचं नुकसान होणार, तसंच आयुर्वेद शिक्षणाचं दर्जाही धोक्यात येतोय.

या महाविद्यालयात १० विषयांसाठी पीजी अभ्यासक्रम मान्यताप्राप्त आहेत. एकूण ७५ जागा मंजूर आहेत, पण सध्या जेवढे प्राध्यापक आहेत तेवढ्या आधारावर मागच्या वर्षी फक्त ४० विद्यार्थ्यांना प्रवेश मिळाला. यंदा मात्र ही संख्या ३६ वर येऊन थांबतेय, कारण शिक्षकांची भरती अजूनही रखडलीये.

पदभरती चालू असली तरी…

सध्या एमपीएससीमार्फत काही पदांची भरती व बढती प्रक्रियेत आहे. सोबतच आणखी १४ पीजी अभ्यासक्रम सुरू करण्यासाठी शासनाला प्रस्तावही दिला आहे. मंजुरी मिळाली तर जागा वाढू शकतील, असं कॉलेज प्रशासनाचं म्हणणं.

चार विषयांमध्ये अॅडिशनल शिक्षक नाहीत, म्हणून प्रवेशही नाहीत

द्रव्यगुण, स्त्रीरोग, बालरोग आणि पंचकर्म या विषयात मुख्य शिक्षक आहेत, पण अॅडिशनल सहयोगी प्राध्यापक आणि सहाय्यक प्राध्यापकांचे प्रस्ताव मंजूर नाहीत. त्यामुळे या विषयांतून यंदा एकही पीजी प्रवेश नाही मिळणार.

कंत्राटी पदं आणि निवृत्त होणारे शिक्षक – दुहेरी फटका

एकूण ६६ मंजूर पदांपैकी फक्त ३२ पदे कायमस्वरूपी भरलेली आहेत. २५ कंत्राटी शिक्षक आहेत आणि ९ पदे अजून रिकामीच आहेत. ही कंत्राटी पदं फक्त ११ महिन्यांसाठीच असतात आणि विद्यापीठाच्या नियमानुसार पीजी मार्गदर्शनासाठी कायमस्वरूपी शिक्षक लागतो.

निवृत्तीच्या टप्प्यावर असलेल्या शिक्षकांमुळेही जागा कमी

प्राध्यापकांना ३ आणि सहयोगी प्राध्यापकांना २ विद्यार्थी मिळतात. पण जे २४ महिन्यांत निवृत्त होणार, त्यांना विद्यार्थी दिले जात नाहीत. रोगनिदान विषयात एक प्राध्यापक आणि एक सहयोगी प्राध्यापक यंदा व पुढचं वर्ष निवृत्त होणार आहेत. त्यामुळे या विषयात ५ पैकी ३ जागा कमी होणार. शालाक्य तंत्रात तर एकच शिक्षक आहे आणि तेही यावर्षी निवृत्त होतायत – म्हणून या विषयात एकही प्रवेश न मिळण्याची शक्यता आहे. कायाचिकित्सा विषयातही एक शिक्षक पुढच्या वर्षी निवृत्त होणार असल्याने २ जागा कमी होतील.