नाबार्ड स्पेशालिस्ट ऑफिसर भरती २०२५: मुंबईत सरकारी नोकरीची उत्तम संधी; पगार तब्बल ३ लाख रुपये! पात्रता, वयोमर्यादा, अर्जसंपत्ती सर्वकाही येथे वाचा! | NABARD Specialist Officer Bharti – ₹3 Lakh Job Alert!

शेतकरी आणि ग्रामीण विकासासाठी कार्यरत असलेल्या ‘नॅशनल बँक फॉर अ‍ॅग्रीकल्चर अँड रूरल डेव्हलपमेंट’ अर्थात NABARD मध्ये नोकरी करण्याची सुवर्णसंधी उपलब्ध झाली आहे. नाबार्डने अधिकृतपणे स्पेशालिस्ट ऑफिसर पदांसाठी भरती जाहीर केली असून, ही नोकरी प्रामुख्याने मुंबई येथील मुख्यालयासाठी असणार आहे. सरकारी नोकरीच्या संधी शोधणाऱ्या पात्र उमेदवारांसाठी ही एक अत्यंत महत्त्वाची आणि प्रतिष्ठेची संधी आहे.

या भरती प्रक्रियेमध्ये एकूण ६ रिक्त पदांवर उमेदवारांची नेमणूक केली जाणार आहे. विशेष म्हणजे ही भरती पूर्णतः कंत्राटी पद्धतीने होणार असून, विविध तांत्रिक व विश्लेषणात्मक पदांवर काम करण्याची संधी मिळणार आहे. यामध्ये In-Charge–Survey Cell, Senior Statistical Analyst, आणि Statistical Analyst अशा तीन प्रमुख पदांचा समावेश आहे.

अर्ज प्रक्रियेची सुरुवात १६ मे २०२५ पासून झाली आहे, आणि इच्छुक उमेदवारांना १ जून २०२५ पर्यंत ऑनलाइन अर्ज करण्याची अंतिम संधी आहे. उमेदवारांनी www.nabard.org या नाबार्डच्या अधिकृत वेबसाइटवर जाऊन अर्ज सादर करावा. अर्ज करण्याआधी भरतीविषयक सर्व तपशील, पात्रता अटी आणि शुल्क याची काळजीपूर्वक माहिती घ्यावी.

शैक्षणिक पात्रता बाबत बोलायचं झालं तर या पदांसाठी संबंधित क्षेत्रातील मास्टर्स डिग्री अनिवार्य आहे. तसेच, वेगवेगळ्या पदांसाठी वयोमर्यादा ही खालीलप्रमाणे ठेवण्यात आली आहे:

• In Charge–Survey Cell : ३८ ते ५५ वर्षे
• Senior Statistical Analyst : ३० ते ४५ वर्षे
• Statistical Analyst : २४ ते ३० वर्षे

पगाराच्या दृष्टीने ही भरती अधिक आकर्षक ठरते. विविध पदांसाठी देण्यात येणारे मासिक मानधन खालीलप्रमाणे आहे:

• In Charge–Survey Cell साठी ₹३ लाख रुपये प्रति महिना
• Senior Statistical Analyst साठी ₹२ लाख रुपये प्रति महिना
• Statistical Analyst साठी ₹१.२५ लाख रुपये प्रति महिना

अर्ज शुल्क बाबत: सामान्य प्रवर्गातील उमेदवारांसाठी अर्ज शुल्क ₹८५०, तर SC/ST/PWD उमेदवारांसाठी ₹१५० इतके ठेवण्यात आले आहे. अर्ज सादर केल्यानंतर उमेदवारांची निवड ही थेट मुलाखतीद्वारे केली जाणार आहे. कोणतेही लेखी परीक्षा किंवा स्क्रीनिंग टेस्ट नाही.

तुम्ही जर मुंबईत स्थायिक असाल किंवा मुंबईत नोकरी करण्यास इच्छुक असाल, तर नाबार्डमधील ही संधी तुमच्यासाठी अत्यंत उपयुक्त आहे. शाश्वत संस्था, चांगला पगार, प्रतिष्ठा आणि ग्रामीण अर्थव्यवस्थेशी थेट संबंध – या सर्वांचा संगम नाबार्डमध्ये मिळतो.

महत्त्वाचे: अर्ज करण्याआधी सर्व पात्रता निकष, भरती प्रक्रिया व अटी नाबार्डच्या वेबसाइटवरून काळजीपूर्वक वाचाव्यात. ही नोकरी तुमच्या करिअरला एक नवीन दिशा देऊ शकते.