बीएड विद्यार्थ्यांची टेटसाठी जोरदार मागणी!-B.Ed Students Seek TET Chance!

नागपूर विद्यापीठात बीएडच्या शेवटच्या वर्षाला शिकत असलेल्या विद्यार्थ्यांनी मुख्यमंत्री एकनाथ शिंदे यांच्याकडे एक महत्त्वाची मागणी केली आहे. “आम्हाला यावर्षी होणाऱ्या शिक्षक पात्रता परीक्षा म्हणजेच टेट ला बसायची परवानगी द्या”, असं विद्यार्थ्यांचं म्हणणं आहे.

जर तसं शक्य नसेल, तर मग टेटची परीक्षा बीएडचा निकाल लागेपर्यंत पुढे ढकलावी, अशीही मागणी करण्यात आली आहे. विद्यार्थ्यांनी ही मागणी मुख्यमंत्री कार्यालय, जिल्हाधिकारी कार्यालय आणि विद्यापीठ प्रशासनाकडे पत्र देऊन केली आहे.

बीएडच्या शेवटच्या सत्राच्या परीक्षा आता सुरु आहेत. निकाल लागायला वेळ लागेल, पण दरम्यान टेट परीक्षा झाली, तर आमचा संधीचा हक्क हिरावला जाईल, असं विद्यार्थ्यांचं म्हणणं आहे.

“आम्ही सगळ्या अटी पूर्ण केल्या आहेत, पण केवळ निकाल लागलेला नाही म्हणून परीक्षा द्यायला नाही मिळाली, तर आमचं मोठं नुकसान होईल. काही विद्यार्थ्यांना पुढची संधी तीन-चार वर्षांनीच मिळणार आहे”, असंही विद्यार्थ्यांनी नमूद केलं.

त्यामुळे सरकारनं लवकर निर्णय घ्यावा, ही विद्यार्थ्यांची विनंती आहे.