10वी उत्तीर्णासाठी सेंट्रल बँकेत नोकरीची सुवर्णसंधी; थेट मुलाखत ! संधीचा लाभ घ्या
Golden Opportunity in Central Bank !
सेंट्रल बँक ऑफ इंडियामध्ये नोकरी मिळवण्याची सुवर्णसंधी उपलब्ध झाली आहे. कोणत्याही परीक्षेशिवाय उमेदवारांना थेट मुलाखतीच्या आधारे या नोकऱ्या मिळू शकतात. बँकेत फॅकल्टी, ऑफिस असिस्टंट, अटेंडर/सब-स्टाफ आणि वॉचमन कम गार्डनर या विविध पदांसाठी भरती जाहीर करण्यात आली आहे. सरकारी नोकरीच्या शोधात असलेल्या तरुणांसाठी ही एक उत्तम संधी आहे.
या भरतीसाठी पात्रता आणि वयोमर्यादा पदानुसार ठरवण्यात आली आहे. फॅकल्टी आणि ऑफिस असिस्टंट पदांसाठी 22 ते 40 वर्षे, तर अटेंडर आणि वॉचमन कम गार्डनर पदांसाठी 18 ते 35 वर्षे वयोमर्यादा निश्चित करण्यात आली आहे. शैक्षणिक पात्रतेनुसार, फॅकल्टी आणि ऑफिस असिस्टंटसाठी पदवीधर असणे आवश्यक आहे, तर इतर पदांसाठी किमान 8वी ते 10वी उत्तीर्ण उमेदवार अर्ज करू शकतात. निवड प्रक्रिया थेट मुलाखतीद्वारे होणार असून कोणतीही लेखी परीक्षा द्यावी लागणार नाही.
या नोकरीसाठी अर्ज करण्याची अंतिम तारीख 29 मार्च 2025 आहे. इच्छुक उमेदवारांनी अर्जाच्या विहित नमुन्यात आवश्यक माहिती भरून क्षेत्रीय कार्यालय, सेंट्रल बँक ऑफ इंडिया, पटेल चौक, सीवान (8411226) या पत्त्यावर पाठवावा. अधिक माहितीसाठी centralbankofindia.co.in या अधिकृत संकेतस्थळाला भेट द्यावी. सरकारी बँकेत स्थिर आणि सुरक्षित नोकरी मिळवण्याची ही उत्तम संधी असल्याने इच्छुक उमेदवारांनी लवकरात लवकर अर्ज करावा.