तरुणांसाठी मोठी संधी!! युवकांसाठी अप्रेंटिसशिप नवीन योजना; ८ हजार युवकांना प्रशिक्षण! या संधीचा फायदा घ्या

गोव्यात हजारो युवकांना प्रशिक्षणाचा लाभ
केंद्र सरकारच्या अप्रेंटिसशिप प्रशिक्षण योजनेचा मोठ्या प्रमाणात लाभ घेतला जात असून, गोव्यातील हजारो युवक-युवतींनी या संधीचा फायदा घेतला आहे. राज्यातील सरकारी खात्यांमध्ये गेल्या चार वर्षांत सुमारे ८ हजार जणांनी अप्रेंटिसशिप प्रशिक्षण पूर्ण केले, तर खासगी क्षेत्रातील ३७८ कंपन्यांमध्ये २ हजार जणांनी प्रशिक्षण घेतले.

लोकसभेत केंद्रीय मंत्र्यांची माहिती
केंद्रीय कौशल्य विकास आणि उद्योजकता मंत्री जयंत चौधरी यांनी लोकसभेत लेखी उत्तर देताना अप्रेंटिसशिप योजनेच्या वाढत्या सहभागाबाबत माहिती दिली. २०२१-२२ ते २०२३-२४ या कालावधीत देशभरात ६.५७ लाख लोकांनी या योजनेचा लाभ घेतला असून, चालू आर्थिक वर्षात ११ मार्च २०२५ पर्यंत ४.७३ लाख लोकांनी नोंदणी केली आहे.

तरुणांच्या कौशल्यविकासासाठी सरकारचा पुढाकार
युवकांना प्रत्यक्ष कामाचा अनुभव मिळावा आणि त्यांच्या कौशल्याचा विकास व्हावा यासाठी भारत सरकारने राष्ट्रीय अप्रेंटिसशिप प्रशिक्षण योजनेला मोठी चालना दिली आहे. या योजनेअंतर्गत विविध क्षेत्रांमध्ये प्रशिक्षण दिले जात आहे.

गोव्यातील हजारो युवकांचा सहभाग
गोव्यात गेल्या चार वर्षांत २०९३ युवकांनी या योजनेसाठी नोंदणी केली आहे. २०२१-२२ मध्ये ५२९ जणांनी ११८ कंपन्यांमध्ये, २०२२-२३ मध्ये ७६६ जणांनी १२३ कंपन्यांमध्ये, तर २०२३-२४ मध्ये ७९८ जणांनी १३७ कंपन्यांमध्ये अप्रेंटिसशिप प्रशिक्षण घेतले आहे.

युवकांसाठी सुवर्णसंधी!
अप्रेंटिसशिप योजनेमुळे युवकांना व्यावसायिक प्रशिक्षणाची सुवर्णसंधी मिळत असून, भविष्यात रोजगाराच्या संधी वाढण्यास मदत होणार आहे. त्यामुळे इच्छुकांनी या योजनेचा लाभ घ्यावा, असे आवाहन करण्यात आले आहे.