निवृत्त अंगणवाडी सेविका आणि मदतनीसांसाठी पेन्शनची मागणी!

अंगणवाडी सेविका आणि मदतनीस कर्मचाऱ्यांच्या सेवानिवृत्तीचे वय ६५ वर्षे आहे. सध्या त्यांना निवृत्तीनंतर एकरकमी रक्कम मिळते, मात्र आता त्यांना दरमहा ३,००० रुपयांपर्यंत पेन्शन मिळावी, असा प्रस्ताव विचाराधीन आहे. २०२५-२६ या आर्थिक वर्षापासून त्याची अंमलबजावणी व्हावी, यासाठी ३ मार्चला मुंबईच्या आझाद मैदानावर मोठा मोर्चा काढला जाणार आहे.

सेविकांचे मानधन आणि मागण्या
राज्यात १,१०,५९१ अंगणवाड्या असून, त्यामध्ये २,२१,५९१ सेविका व मदतनीस कार्यरत आहेत. सेविकांचे मानधन ₹१५,०००, तर मदतनीसांचे मानधन ₹१०,००० करण्यात आले आहे. मात्र, ही वाढ सरसकट लागू नसल्याने कर्मचाऱ्यांमध्ये नाराजी आहे.

पेन्शनसाठी संघटनेचा प्रस्ताव
संघटनेच्या मते, दरवर्षी २-३% कर्मचारी निवृत्त होतात, त्यामुळे सरकारवर मोठा आर्थिक भार पडणार नाही. सेविकांकडून ₹१,५०० व मदतनीसांकडून ₹१ कपात करून सरकारने काही निधी मिळवून दरमहा ₹३,००० पर्यंत पेन्शन द्यावी, अशी मागणी आहे. महिला व बालविकास विभाग सकारात्मक आहे, मात्र अंतिम निर्णय वित्त विभागाकडून मान्यता मिळाल्यानंतरच होणार आहे.