कामाच्या ठिकाणी ओरडणे गुन्हा नाही! सर्वोच्च न्यायालयाचा महत्त्वाचा निर्णय!

कामाच्या ठिकाणी वरिष्ठांनी कर्मचाऱ्यांना फटकारणे किंवा ओरडणे हा गुन्हा ठरत नाही, असा महत्त्वाचा निकाल सर्वोच्च न्यायालयाने दिला आहे. भारतीय दंड संहितेच्या कलम ५०४ नुसार, केवळ कठोर शब्द वापरणे, उद्धट वर्तन करणे किंवा असभ्य भाषा बोलणे हे जाणूनबुजून केलेला अपमान मानले जाऊ शकत नाही.

फौजदारी कारवाई होणार नाही!

सर्वोच्च न्यायालयाने स्पष्ट केले की, जर वरिष्ठांनी कर्मचाऱ्याला कामाच्या संदर्भात फटकारले, तर त्याला अपमान समजता येणार नाही, आणि त्यामुळे फौजदारी कारवाईही करता येणार नाही. कामाच्या ठिकाणी अशा तक्रारींना गुन्हेगारी स्वरूप दिल्यास त्याचे गंभीर परिणाम होऊ शकतात आणि कार्यालयीन वातावरणही बिघडण्याची शक्यता आहे.

कामाच्या ठिकाणी शिस्त आवश्यक!

न्यायालयाने म्हटले आहे की, कामकाज सुरळीत चालण्यासाठी शिस्त आणि कठोर शब्दांचा वापर काहीवेळा गरजेचा असतो. जर वरिष्ठ कर्मचाऱ्याला कामाच्या संदर्भात फटकारत असतील, तर तो अपमान मानला जाणार नाही. त्यामुळे अशा प्रकरणांना गुन्हेगारी स्वरूप देण्यापेक्षा व्यवस्थापनाच्या चौकटीत हाताळले जाणे गरजेचे आहे.

गुन्हेगारी स्वरूप देण्याचे दुष्परिणाम

जर प्रत्येक कठोर शब्द किंवा फटकारण्याला गुन्ह्याच्या कक्षेत आणले, तर कामकाजावर परिणाम होईल, वरिष्ठ आणि कर्मचाऱ्यांमध्ये दडपण वाढेल आणि कार्यालयीन वातावरण गोंधळलेले राहील. त्यामुळे अशा प्रकरणांवर व्यवस्थापन आणि मानवी संसाधन विभागाने लक्ष द्यावे, परंतु त्याला गुन्हा म्हणून न पाहता शिस्तीच्या चौकटीत हाताळावे, असे न्यायालयाचे मत आहे.